الیکشن کمیشن نے نگران وزرائے اعلیٰ پنجاب اور کے پی کو خط میں قانون کے تحت نگرانی کرنے کی ہدایت جاری کی،نگران حکومتوں کا کردار اور کام نیوٹرل، شفاف اور پرامن انتخابات کرانا ہے،نگران حکومتوں کا جھکائو کسی طرف نہیں جانا چاہیے،آئین و قانون کے مطابق نگران حکومتوں کو الیکشن کمیشن کی معاونت کرنی چاہیے۔ جمعرات کے روز الیکشن کمیشن نے نگران وزرائے اعلیٰ پنجاب اور کے پی کو خط لکھا، خط میں کہا گیا کہ نگران حکومتوں کا کردار اور کام نیوٹرل، شفاف اور پرامن انتخابات کرانا ہے،نگران حکومتوں کا جھکائو کسی طرف نہیں جانا چاہیے،تمام سیاسی جماعتوں اور امیدواروں کے ساتھ مساوی سلوک کیا جانا چاہیے،خط کے مطابق تمام فریقین اور سیاسی جماعتوں کو لیول پلئینگ فیلڈ مہیا کی جانی چاہیے،آئین و قانون کے مطابق نگران حکومتوں کو الیکشن کمیشن کی معاونت کرنی چاہیے،کچھ امیدوار، سیاسی جماعتوں کے ارکان ضلعی اور ڈویژنل ایڈمنسٹریشن محکموں میں مداخلت کررہے ہیں۔ الیکشن کمیشن نے نگران حکومتوں کو قانون کے تحت نگرانی کرنے کی ہدایت جاری کی،امید ہے کہ نگران حکومتیں قانون میں دیئے گئے مینڈیٹ کے مطابق کام کریں گی،ضلعی اور ڈویژنل سطح پر ماتحت افسران کی نگرانی کریں گے-

کریڈٹ: انڈیپنڈنٹ نیوز پاکستان-آئی این پی