ہلال احمر پاکستان کے چیئر مین سردار شاہد احمد لغاری نے ممتاز صنعت کار، یوناہیٹڈ بزنس گروپ کے سربراہ ایس ایم منیر کی وفات پر اظہار تعزیت کرتے ہوئے مرحوم کے لیے دعائے مغفرت اور لواحقین کے لیے صبر جمیل کی دعا کی ہے. اپنے تعزیتی بیان میں سردار شاہد احمد لغاری نے ایس ایم منیر کی تاجر برادری، صنعتوں کے فروغ کے لیے خدمات کو خراج عقیدت پیش کیا ہے.ایس ایم منیر ہمہ جہت شخصیت تھے، کاروباری دنیا میں ان کی جدت پسندی، آئیڈیاز، سمال بزنس کی ترقی کے لیے کردار کو سنہرے حروف میں لکھا جائے گا.سردار شاہد احمد لغاری نے کہا کہ کاروباری طبقہ قیمتی سرمایہ سے محروم ہو گیا ہے ان کی وفات ایک عہد کا خاتمہ ہے. اللہ تعالی ایس ایم منیر کو جنت الفردوس میں جگہ عطا فرمائے۔

کریڈٹ: انڈیپنڈنٹ نیوز پاکستان-آئی این پی