ایران کے صدرابراہیم رئیسی کی علامہ اقبال کے مزار پر حاضری ، انہوں نے مزار پر پھول رکھے اور فاتحہ خوانی کی۔ منگل کو ایران کے صدرابراہیم رئیسی لاہور پہنچے ۔لاہور آمد پر وزیراعلی پنجاب مریم نواز نے ایرانی صدر ابراہیم رئیسی کا پرتپاک استقبال کیا، اس موقع پر سینیٹر پرویز رشید، وزیر اطلاعات عظمی بخاری، وزیر خزانہ مجتبی شجاع ، صوبائی وزرا سلمان رفیق، بلال یاسین، چوہدری شافع، چیف سیکرٹری، آئی جی پولیس اور ایرانی قونصل جنرل مہران مواحدفر سمیت دیگر حکام موجود تھے۔ ایران کے صدرابراہیم رئیسی نے علامہ اقبال کے مزار پر حاضری دی جہاں انہوں نے پھول رکھے اور فاتحہ خوانی کی۔

کریڈٹ: انڈیپنڈنٹ نیوز پاکستان-آئی این پی