نوبیل امن انعام یافتہ ملالہ یوسف زئی نے ایران میں جاری احتجاج پر ردعمل دیتے ہوئے کہا ہے کہ ایران کے مظاہروں کو خواتین پر عرصہ دراز سے عائد پابندیوں اور ان کی خودمختاری کی جدوجہد سے الگ نہیں کیا جا سکتا۔ ایرانی خواتین بھی دنیا بھر کی لڑکیوں کی طرح باوقار زندگی گزارنے کی خواہش رکھتی ہیں۔ملالہ یوسف زئی نے اپنے ایک بیان میں کہا کہ ایران کے عوام اپنی آواز دنیا تک پہنچانا چاہتے ہیں اور اپنے سیاسی مستقبل کا فیصلہ خود کرنا چاہتے ہیں۔ یہ مستقبل ایرانی عوام کے ہاتھوں اور خواتین کی شمولیت سے تشکیل پانا چاہیے، نہ کہ بیرونی طاقتوں یا جابرانہ حکومتوں کے ذریعے۔ انھوں نے زور دیتے ہوئے کہا کہ ہم ایرانی عوام اور خواتین کے جائز مطالبات کے ساتھ ان کے حق میں کھڑے ہیں۔ وہ اپنے مستقبل کے تعین کے حق دار ہیں۔

کریڈٹ: انڈیپنڈنٹ نیوز پاکستان-آئی این پی