سابق وفاقی وزیر کی صاحبزادی ایڈووکیٹ ایمان مزاری اور ان کے شوہر کے خلاف ایک اور مقدمہ درج کرلیا گیا۔تفصیل کے مطابق سابق وفاقی وزیر شیریں مزاری کی صاحبزادی ایمان مزاری اور انکے شوہر کے خلاف ایک اور مقدمہ تھانہ آبپارہ میں درج کرلیا گیا۔مقدمہ سائبر کرائم یونٹ اسلام آباد پولیس انچارج کی مدعیت میں درج کیا گیا، مقدمہ تفتیش کیدوران ہادی علی کے انکشافات اور آہنی مکوں کے استعمال پر درج کیا گیا۔ مقدمے میں کہا گیا کہ دوران تفتیش ملزم ہادی علی نے اقرار کیا پولیس اہلکار پرآہنی مکوں سے حملہ کیا گیا، پولیس نے ہادی علی کی گاڑی سے مکا برآمد کیا اور بطور ثبوت پاس رکھا، ملزم نے آہنی مکا گاڑی کی سیٹ کے نیچے چھپا دیا تھا جسے برآمد کیا گیا ۔بعد ازاں سیشن عدالت میں ایمان مزاری کے شوہر ہادی علی کیخلاف آہنی مکا رکھنے کے کیس کی سماعت ہوئی۔پولیس نے ہادی علی کو جوڈیشل مجسٹریٹ یاسر محمود کی عدالت پیش کیا، یاسر محمود نے پولیس کی استدعا پر ہادی علی کو جوڈیشل کردیا۔پولیس نے اے ٹی سی سے ایمان مزاری کے شوہر ہادی علی کا راہداری ریمانڈ لے لیا۔

کریڈٹ: انڈیپنڈنٹ نیوز پاکستان-آئی این پی