عمران خان کی گرفتاری پر پرتشدد مظاہروں میں ملوث سرکاری ملازمین کیخلاف کارروائی کا فیصلہ کرلیا گیا۔ شرپسندوں کی شناخت مکمل کرلی گئی تصدیق ہونے پرایم سی آرکے 3 ملازمین کیخلاف پیڈا ایکٹ کے تحت کارروائی کا آغازکردیا گیا۔ خیال رہے کہ چئیرمین پی ٹی آئی عمران خان کی القادر ٹرسٹ کیس میں مبینہ کرپشن کے الزام میں گرفتاری پر ملک بھر میں مظاہرے پھوٹ پڑے تھے ۔مشتعل مظاہرین نے لاہور کورکمانڈر ہاوس اور جی ایچ کیو پر حملہ کرکے سرکاری تنصیبات کو نقصان پہنچایا۔ واضح رہے کہ شرپسندوں کے خلاف حکومت کی جانب سے کریک ڈاون جاری ہے ایف آئی اے اور دیگر اداروں کی معاونت سے ملوث مشتعل افراد کی شناخت جاری ہے۔

کریڈٹ: انڈیپنڈنٹ نیوز پاکستان-آئی این پی