متحدہ قومی موومنٹ (ایم کیو ایم)پاکستان نے حکومت کے ساتھ عدالتی اصلاحات میں تعاون کا فیصلہ کر لیا۔پارلیمانی خصوصی کمیٹی کے اجلاس میں شرکت سے قبل میڈیا سے بات چیت کرتے ہوئے ایم کیو ایم کے رہنما فاروق ستار نے کہا ہے کہ ایم کیو ایم نے عدالتی اصلاحات میں تعاون کا فیصلہ کیا ہے۔انہوں نے کہا کہ پارلیمان کو بہتر بنانے کا ایجنڈا ہے، ایم کیو ایم اس مسودے کے حق میں ہے۔فاروق ستار کا کہنا ہے کہ یہ پاکستان کو بچانے کے لیے ہے، یہ ڈائیلاگ ملک کے حق میں ہے۔واضح رہے کہ پارلیمانی خصوصی کمیٹی کا اجلاس خورشید شاہ کی صدارت جاری ہے۔اجلاس میں آئینی ترامیم پر 6 جماعتوں کے مسودے کو حتمی شکل دی جا رہی ہے۔وزیرِ قانون اعظم نذیر تارڑ، شیری رحمن اور اے این پی کے ایمل ولی اجلاس میں شریک ہیں۔ان کے علاوہ پی ٹی آئی چیئرمین بیرسٹر گوہر اور ایم کیو ایم فاروق ستار بھی اجلاس میں موجود ہیں۔

کریڈٹ: انڈیپنڈنٹ نیوز پاکستان-آئی این پی