ایک دن کے چوزے کی قیمت پچاس ساٹھ روپے سے بڑھ کر دوسو بیس روپے تک پہنچ گئی،مسابقتی کمشین نے چوزہ ہیچریوں کے مبینہ گٹھ جوڑ سے قیمتیں بڑھانے کا نوٹس لے لیا۔کمپیٹیشن کمیشن آف پاکستان نے ملک بھر کی چوزہ ہیچریوں کو گٹھ جوڑ بنا کر ایک دن کے چوزے کی قیمت بڑھانے پر سخت انتباہ کیا ہے،کمپٹیشن کمیشن نے ہیچریوں کو پچھلیتین ماہ کے دوران روزانہ کی بنیاد پر ایک دن کے چوزے کی قیمتوں کا ریکارڈ جمع کرانیکی بھی ہدایت کی ہے تاکہ چوزوں کی قیمتوں میں اضافے کے رجحان کا جائزہ لیا جا سکے۔کمپٹیشن کمیشن کو ایک دن کیچوزے کی قیمتوں میں ہیچریوں کے گٹھ جوڑ کے ساتھ مسلسل اضافے سے متعلق متعدد شکایات موصول ہو رہی تھیں۔اطلاعات کیمطابق ایک دن کیچوزے کی قیمتوں میں غیر معمولی طور پر ڈھائی سو فیصد اضافہ ہوا جس کے نتیجے میں فی چوزہ نرخ جو پہلے اوسطا پچاس تا ساٹھ روپے تھے وہ بڑھ کر دوسوبیس روپے تک پہنچ گئے۔۔کمپٹیشن کمیشن اس اچانک اورغیرمتناسب اضافے کی تحقیقات کر رہا ہے کہ آیا یہ مارکیٹ میں طلب و سپلائی اوردیگر عوامل کے نتیجے میں ہوا ہے یا اس میں ہیچریوں میں گٹھ جوڑ موجود ہے،دوہزاراکیس میں ہیچری کمپنیوں کو شوکاز نوٹس جاری کیے گئے تھے اورفریقین کے ساتھ سماعتوں کا سلسلہ تاحال جاری ہے۔

کریڈٹ : انڈیپنڈنٹ نیوز پاکستان-آئی این پی