16 سال سے مطلوب اشتہاری ملزم کروشیا سے گرفتار کرلیا گیا، ملزم نے سال 2008 میں ساتھیوں کیساتھ مل کرشہری کے گھر ڈکیتی کی واردات کی تھی۔ ایف آئی اے این سی بی انٹرپول نے تاریخی کامیابی حاصل کرتے ہوئے 16 سال سے مطلوب اشتہاری ملزم کروشیا سے گرفتار کرلیا۔ترجمان ایف آئی اے نے کہا کہ ڈکیتی مقدمے میں مطلوب اشتہاری ملزم کی شناخت افتخاراحمدکینام سیہوئی، ملزم کو کروشیا سے گرفتار کرکے اسلام آباد ایئرپورٹ منتقل کیاگیا۔ترجمان کا کہنا تھا کہ ایف آئی اے این سی بی انٹرپول نے ملزم کی گرفتاری کیلئے ریڈ نوٹس جاری کیا تھا، ملزم 16 سال سے پنجاب پولیس کومطلوب تھا، ملزم کے خلاف تھانہ اگوکی، سیالکوٹ میں مقدمہ درج تھا۔ترجمان نے مزید بتایا کہ ملزم نے سال 2008 میں ساتھیوں کیساتھ مل کرشہری کے گھر ڈکیتی کی واردات کی تھی تاہم ملزم کو ایف آئی اے امیگریشن اسلام آباد نے پنجاب پولیس حکام کے حوالے کردیا ہے۔ملزمان کی حوالگی انٹرپول اسلام آبادکی انٹرپول کروشیاکیساتھ قریبی رابطہ کاری کی وجہ سے ممکن ہوئی ، جدیدٹیکنالوجی سےآراستہ این سی بی انٹرپول 24/7 پوری دنیا کے ساتھ رابطے میں ہے اور ملزمان کی گرفتاری کیلئے تمام تروسائل کوبروئے کارلائے جارہے ہیں۔

کریڈٹ: انڈیپنڈنٹ نیوز پاکستان-آئی این پی