وفاقی وزیر برائے موسمیات شیری رحمن نے پیپلز پارٹی کے صدر آصف زرداری کی صحت سے متعلق سوشل میڈیا پر زیرگردش افواہوں پر وضاحت پیش کی ہے، شیری رحمن نے اپنے ٹوئٹر اکائونٹ پر سابق صدر آصف زرداری کی صحت سے متعلق زیرِ گردش افواہوں کی تردید کی ہے،شیری رحمن نے اپنی ٹوئٹ میں کہا کہ آصف علی زرداری کی صحت کے حوالے سے سوشل میڈیا پر جھوٹی اور من گھڑت خبریں پھیلائی جا رہی ہیں، سوشل میڈیا پر گردش کرنے والا ایکسرے آصف علی زرداری کا نہیں ہے،پی پی رہنما نے مزید کہا کہ آصف زرداری زیر علاج ہیں اور قوم اور کارکنان کی دعائوں سے جلد صحتیاب ہوکر ہمارے بیچ ہوں گے۔

کریڈٹ: انڈیپنڈنٹ نیوز پاکستان-آئی این پی