آپریشنل مسائل حل نہ ہونے کے باعث پی آئی اے کی پھر 6 ملکی اور غیر ملکی پروازیں منسوخ جبکہ 11 تاخیر کا شکار ہو گئیں۔ فلائٹ شیڈول کے مطابق کراچی سے پی آئی اے کی اسلام آباد اور فیصل آباد کیلئے 4 جبکہ اسلام آباد اور پشاور سے ابوظہبی کی 2 پروازیں پی کے 262 اور 217 کو منسوخ کر دیا گیا ۔ لاہور سے کوالالمپور کی پرواز پی کے 898 ساڑھے 11 گھنٹے کی تاخیر کے بعد دوپہر 1 بجے روانہ ہو ئی جبکہ لاہور سے کوئٹہ کی پروازیں پی کے 322 اور 323 میں ڈیڑھ گھنٹے کی تاخیر ہوئی ۔ لاہور سے مدینہ منورہ کی پی آئی اے کی پرواز کی روانگی میں 9 گھنٹے تاخیر ہوئی جو (آج) منگل کی صبح پونے 5 بجے مدینہ منورہ کے لیے روانہ ہو گی۔ پی آئی اے کی اسلام آباد سے دوحہ کی پرواز کی روانگی میں 14 گھنٹے تاخیر ہوئی ۔

کریڈٹ: انڈیپنڈنٹ نیوز پاکستان-آئی این پی