پیٹرولیم مصنوعات پرحکومت کی جانب سے دیا گیاریلیف عوام تک پہنچنے کی راہ میں حکومت ہی رکاوٹ بن گئی، ڈیزل کی قیمت میں 11فیصد کمی کے باوجود ریل گاڑیوں کے کرائے کم نہ ہوسکے، وزیرخزانہ اسحاق ڈار کی کرائے کم۔کرنے کی اپیل وزیر ریلوے نے ہوامیں اڑادی، وزیر ریلوے ڈیزل کی قیمت بڑھنے پر کرائے بڑھاتے رہے مگر 30روپے فی لیٹرکم ہونے ہر کرائے کم کرنا بھول گئے ۔اس خبر رساں ادارے کے مطابق وزیرخزانہ اسحاق ڈار نے 16مئی سے ڈیزل اور پیٹرول کی قیمت میں کمی کا اعلان کیا مگر ڈیزل کی قیمت میں 30 روپے فی لیٹر کمی کا ریلوے مسافروں کو کوئی فائدہ نہ ہوسکاریلوے کی جانب سے تاحال کرایوں میں کسی قسم کی کمی نہیں کی گئی۔قیمتوں میں اضافے کو جواز بنا کر کرائے بڑھانے والے محکمہ ریلوے نے قیمتوں میں کمی پر آنکھیں بند کرلیں۔فروری میں ڈیزل کی قیمت میں اضافے کو جواز بنا کر ریل کرایوں میں اضافہ کیا گیافروری میں گرین لائن کے علاوہ تمام ٹرینوں کے کرایوں 8 فیصد کا اضافہ کیا گیا تھا۔16 مئی سے حکومت نے ڈیزل کی قیمت میں 30 روپے کمی کی ہوئی ہےوزیرخزانہ اسحاق ڈار نے قیمتوں میں کمی کا ریلیف عوام کو پہنچانے کی اپیل بھی کی تھی۔ڈیزل کی قیمت میں بڑی کمی کے باوجودوزیر ریلوے سعد رفیق بھی معاملے پرخاموش ہیں ۔ترجمان ریلوے سے رابطہ کیا گیا مگر انہوں نے اس حوالے سے کوئی موقف نہیں دیا ۔(محمداویس)

کریڈٹ: انڈیپنڈنٹ نیوز پاکستان-آئی این پی