رہنما مسلم لیگ ن جاوید لطیف نے کہا ہے کہ اگرعمران خان کی دبا کے تحت رہائی ہوئی تو یہ غلامی ہوگی۔ایک انٹرویو میں جاوید لطیف کا کہنا تھا کہ مذاکراتی کمیٹی کی بانی پی ٹی آئی سے آج نہیں تو کل ملاقات ہو جائے گی، عمران خان کو اپنے رویے پر غور کرنا چاہیے۔انہوں نے کہا کہ مذاکرات جب کسی دبائو یا این آراو کے لیے ہوں گے تونیتجہ خیز نہیں ہوں گے، عالمی قوتوں کی جانب سے دبائو ہے کوئی مانے یا نہ مانے، میں تو بڑا کلیئر ہوں، پاکستان کے اندرمداخلت ہورہی ہے۔رہنما ن لیگ کا کہنا تھا کہ امریکا میں ایک لابنگ فرم کی خدمات لی گئی ہیں ، اگر عمران خان کی دبائو کے تحت رہائی ہو گی تو یہ غلامی ہوگی، قوم یہ غلامی قبول نہیں کرے گی۔ایک سوال کے جواب میں میاں جاوید لطیف کا مزید کہنا تھا کہ قائد مسلم لیگ ن نوازشریف نے پریشر کے باوجود ایٹمی دھماکے کیے تھے۔

کریڈٹ : انڈیپنڈنٹ نیوز پاکستان-آئی این پی