علی پور میں زمین کے تنازع پر مخالفین نے نوجوان کو درخت سے باندھ کر آگ لگادی۔ متاثرہ شخص اسپتال منتقلی کے دوران دم توڑ گیا۔ پولیس کے مطابق واقعہ تھانہ سیت پور کی حدود موضع مٹھن والی کی بستی جمن میں پیش آیا۔ جہاں چار ملزمان نے احسان اللہ کو رسیوں کی مدد سے درخت سے باندھا اور پھر پٹرول چھڑک کر آگ لگادی۔ احسان اللہ ابتدائی طبی امداد کے بعد مزید علاج کیلئے ملتان لے جاتے ہوئے دم توڑ گیا۔ پولیس نے مقدمہ درج کرکے ملزمان کی تلاش شروع کردی۔

کریڈٹ: انڈیپنڈنٹ نیوز پاکستان-آئی این پی