پی ٹی آئی رہنمائوں کے اختلافات دور میں اہم پیشرفت سامنے آئی ہے ، وزیر اعلی خیبرپختونخوا علی امین گنڈاپور نے عاطف خان سے ٹیلی فون پر رابطہ کرکے انہیں سی ایم ہائوس آنے کی دعوت دیدی۔ذرائع کا کہنا ہے کہ اسد قیصر اور شہرام ترکئی نے وزیراعلی علی امین گنڈا پور کو عاطف خان کو ٹیلی فون کال کرنے پر آمادہ کیا۔ذرائع کا بتانا ہے کہ علی امین گنڈا پور کا کہنا تھا باہمی اختلافات سے پارٹی کو نقصان ہوتا ہے، اندرونی اختلافات مل بیٹھ کر حل کرتے ہیں ۔ذرائع کے مطابق علی امین گنڈا پور نے عاطف خان کو وزیر اعلی ہائوس آنے کی بھی دعوت دی، عاطف خان نے وزیراعلی ہائوس آنے کی حامی بھرلی۔پی ٹی آئی کے رہنما عاطف خان نے وزیر اعلی کے پی علی امین گنڈا پور سے رابطے کی تصدیق کر دی ہے۔واضح رہے کہ وزیر اعلی کے پی علی امین گنڈا پور اور عاطف خان کے ایک دوسرے پر بیانات ماضی میں کئی بار منظر عام پر آ چکے ہیں، دونوں رہنما ایک دوسرے پر ماضی میں سنگین نوعیت کے الزامات عائد کرتے رہے ہیں۔

کریڈٹ : انڈیپنڈنٹ نیوز پاکستان-آئی این پی