عید کی خریداری کیلئے رقم نہ ملنے اور والدین کی ڈانٹ ڈپٹ سے دل برداشتہ نوجوان نے خود کو گولی مار کر خودکشی کر لی، پولیس نے نعش تحویل میں لیکر پوسٹ مارٹم کیلئے ہسپتال منتقل کر کے تفتیش شروع کر دی۔تفصیلات کے مطابق تھانہ ملت ٹائون کے علاقہ محلہ غازی آباد کے رہائشی 21 سالہ مدثر ولد ارشد نے مبینہ طور پر والدین سے عید کے موقع پر خریداری کیلئے رقم مانگی تو معاشی حالات سے پہلے ہی پریشان والدین نے اسکو سمجھاتے ہوئے ڈانٹ بھی پلا دی، جس پر مذکورہ نوجوان نے دل برداشتہ ہو کر خود کو کمرے میں بند کر کے گولی مار کر زندگی کا خاتمہ کر لیا، فائرنگ کی آواز سن کر اہل خانہ کمرہ میں پہنچے تو مدثر خون میں لت پت پڑا تھا، تاہم اطلاع ملنے پر ملت ٹائون پولیس نے نعش قبضہ میں لیکر خودکشی سمیت مختلف پہلوئوں پر تفتیش شروع کر دی ہے۔

کریڈٹ: انڈیپنڈنٹ نیوز پاکستان-آئی این پی