محکمہ موسمیات نے آئندہ 24گھنٹوں میں ملک کے چند علاقوں میں گرج چمک کے ساتھ بارش کی پیشگوئی کر دی۔محکمہ موسمیات کے مطابق ملک کے بیشتر علاقوں میں موسم خشک رہنے کی توقع ہے جبکہ بالائی خیبرپختونخوا، گلگت بلتستان،کشمیر اور ملحقہ پہاڑی علاقوں میں چند مقامات پرتیز ہواں اور گرج چمک کے ساتھ بارش کا امکان ہے۔اسلام آباد اور گرد و نواح میں موسم خشک اور مطلع جزوی ابرآلود رہنے کا امکان ظاہر کیا گیا ہے، مری، گلیات اور گرد و نواح میں مطلع جزوی ابرآلود رہنے کے علاوہ تیز ہواں اور گرج چمک کے ساتھ بارش کی پیشگوئی کی گئی ہے۔چترال، دیر، سوات، شانگلہ، کوہستان، بٹگرام، مانسہرہ، ایبٹ آباد، بونیر، باجوڑ، مہمند، خیبر اورکرم میں تیز ہواں اور گرج چمک کے ساتھ بارش ہونے کی توقع ہے۔سندھ اور بلوچستان کے بیشتر اضلاع میں موسم خشک جبکہ جنوبی اضلاع میں گرم رہنے کا امکان ہے ۔کشمیر اور گلگت بلتستان میں بھی چند مقامات پر بارش ہونے کا امکان ہے۔

کریڈٹ: انڈیپنڈنٹ نیوز پاکستان-آئی این پی