جائیٹکس گلوبل 2024 ایونٹ میں پاکستان نے عالمی ٹیک ڈیسٹی نیشن کا اعزاز حاصل کرلیا، یہ سنگ میل پاکستان کے آئی ٹی سیکٹر کی بڑھتی کامیابیوں کے باعث ممکن ہوا۔تفصیل کے مطابق ایس آئی ایف سی کے تعاون سے پاکستان کا آئی ٹی سیکٹر جائیٹکس گلوبل ٹیک ایونٹ میں 2024 کی بہترین ٹیک ڈیسٹی نیشن بن گیا۔پاکستان نے اکتوبرمیں منعقدہونیوالیجائیٹکس گلوبل ایونٹ کےآغازسے قبل ہی عالمی آئی ٹی ٹیکنالوجی کے منظر نامے پراپنے قدم جمالیے ، یہ سنگ میل پاکستان کے آئی ٹی سیکٹرکی بڑھتی ہوئی کامیابیوں کے باعث ممکن ہوا۔ جائیٹکس گلوبل مشرق وسطی،شمالی افریقہ اور جنوبی ایشیا کا سب سے بڑا ٹیکنالوجی ایونٹ ہے ، ایونٹ جدید اختراعات اور مصنوعی ذہانت کی بنیاد پر معیشتوں کے مستقبل پر توجہ مرکوز کرتا ہے، یہ ایونٹ عالمی آئی ٹی ٹیکنالوجی سے متعلق ماہرین،سرمایہ کاروں اورکمپنیوں کوایک پلیٹ فارم مہیا کرتا ہے۔ایونٹ سے بین الاقوامی سطح پر تعاون اور شراکت داری کی راہیں ہموار ہوتی ہیں ، جائیٹکس گلوبل 2024 میں پاکستان سافٹ ویئرایکسپورٹ بورڈاورٹریڈڈویلپمنٹ اتھارٹی آف پاکستان حصہ لیں گے ، ایونٹ میں 80سے زائد معروف کمپنیاں اوراسٹارٹ اپس شریک ہوں گے۔یہ عالمی ٹیکنالوجی ایونٹ پاکستان جیسے ممالک کواپنی صلاحیتیں دنیاکے سامنے پیش کر٫ کاموقع فراہم کرے گا۔ ایس آئی ایف سی کی انتھک محنت کے باعث پاکستان کی آئی ٹی انڈسٹری معاشی ترقی اورجدت کی راہ پر گامزن ہے۔

کریڈٹ: انڈیپنڈنٹ نیوز پاکستان-آئی این پی