پاکستان کرکٹ بورڈ (پی سی بی) نے سابق ٹیسٹ کرکٹر عاقب جاوید کو چیمپئنز ٹرافی تک قومی وائٹ بال ٹیم کا عبوری ہیڈ کوچ مقرر کردیا۔پی سی بی کی جانب سے ایکس پر جاری اعلامیہ میں کہا گیا کہ سابق فاسٹ بالر عاقب جاوید پاکستان میں ہونے والی چیمپئنز ٹرافی 2025 تک قومی وائٹ بال ٹیم کے عبوری کوچ کی حیثیت سے ذمہ داریاں نبھائیں گے۔ اعلامیہ کے مطابق اس عرصے کے دوران عاقب جاوید قومی مینز نیشنل ٹیم کے سلیکشن کمیٹی کے سینئر ممبر کے طور پر بھی اپنی ذمہ داریاں جاری رکھیں گے اور اس ٹورنامنٹ کے اختتام کے بعد انہیں اضافی ذمہ داریاں تفویض کی جائیں گی۔اس دوران، پاکستان کرکٹ بورڈ وائٹ بال ٹیم کے ہیڈ کوچ کی تلاش کا عمل جاری رکھے گی اور 19 فروری سے 19 مارچ تک شیڈول آئی سی سی چیمپنز ٹرافی کے اختتام تک یہ تعیناتی کردی جائے گی۔

کریڈٹ: انڈیپنڈنٹ نیوز پاکستان-آئی این پی