نو مئی کے مقدمات میں انسداد دہشتگردی عدالت نے پی ٹی آئی رہنمائوں علیمہ خان، عظمی خان، اعظم سواتی کی عبوری ضمانتوں میں توسیع کر دی۔انسداد دہشت گردی عدالت لاہور میں 9 مئی جلا ئوگھیرا ئوکے 6 مقدمات میں عبوری ضمانت کی درخواستوں پر سماعت ہوئی، جج ارشد جاوید نے ملزمان اعظم خان سواتی، علیمہ خان، عظمی خان کی عبوری ضمانتوں میں 31 اکتوبر تک توسیع کردی۔عدالت میں علیمہ خان اور عظمی خان کی حاضری معافی کی درخواست دائر کی گئی، اعظم خان سواتی نے پیش ہو کر حاضری مکمل کروائی۔پی ٹی آئی رہنما حافظ فرحت عباس بھی عدالت پیش ہوئے۔علاوزہ ازیں انسداد دہشت گردی عدالت نے 9 مئی جناح ہائوس، عسکری ٹاور حملہ، تھانہ شادمان کو نذر آتش کرنے سمیت دیگر مقدمات میں سابق وفاقی وزرا اسد عمر اور اعظم خان سواتی کی عبوری ضمانت میں 6 اکتوبر تک توسیع کر دی۔

لاہور کی انسداد دہشت گردی عدالت کے ایڈمن جج منظر علی گل نے کیس کی سماعت کی جس میں اسد عمر اور اعظم سواتی عدالت میں پیش ہوئے۔بعدازاں عدالت نے سابق وفاقی وزرا اسد عمر اور اعظم خان سواتی کی عبوری ضمانت میں 6 اکتوبر تک توسیع کر دی، عدالت نے سماعت پر ملزمان کی عبوری ضمانتوں پر دلائل طلب کر رکھے تھے۔اسد عمر نے جناح ہائو س، عسکری ٹاور اور تھانہ شادمان کیسز میں ضمانت دائر کی جبکہ اعظم خان سواتی نے جناح ہائو س حملہ اور دیگر مقدمات میں عبوری ضمانت حاصل کر رکھی ہے، سابق وزرا پر بغاوت اور کارکنان کو جلا ئو گھیرا ئو پر اکسانے کے الزامات عائد ہیں۔

کریڈٹ: انڈیپنڈنٹ نیوز پاکستان-آئی این پی