چیئرمین پی ٹی آئیبیرسٹر گوہر نے کہاہے کہ 16 دسمبر کو دہشت گردوں نے ہمارے بچوں کو بے دردی سے شہید کیا تھا۔آرمی پبلک اسکول پشاور کے شہدا کی برسی پر اپنے خصوصی پیغام میں انہوں نے کہا ہے کہ اے پی ایس کی دسویں برسی ہمیں سیاہ دن کی یاد دلاتی ہے۔بیرسٹر گوہر کا کہنا ہے کہ شہید بچوں کے اہلِ خانہ اور پیاروں کا درد اور تکلیف کبھی ختم نہیں ہو سکتی۔ انہوں نے کہا کہ ہم ان دکھی خاندانوں کو یقین دلاتے ہیں کہ 16 دسمبر نہیں بھولیں گے، 16 دسمبر اے پی ایس سانحے نے قوم کو دہشت گردی کے خلاف متحد کیا۔چیئرمین پی ٹی آئی کا کہنا ہے کہ ہمارے ملک کو محفوظ رکھنے اور دہشت گردی کا مقابلہ کرنے والوں کو سلام پیش کرتا ہوں۔

کریڈٹ : انڈیپنڈنٹ نیوز پاکستان-آئی این پی