10 سالہ پاکستانی بچے نے قرت کے عالمی مقابلے میں نمایاں پوزیشن حاصل کرلی۔ الجزائر کی جانب سے 'مزمیر داد' عالمی حسن قرت کے مقابلے کا اہتمام کیا گیا جہاں دنیا کے 15 ممالک سے بچوں نے شرکت کی۔ عالمی مقابلے میں پاکستان کی نمائندگی سوات سے تعلق رکھنے والے 10 سالہ محمد بشار نے کی جس نے مقابلے میں ناصرف چوتھی پوزیشن لی بلکہ بشار نے مقابلے میں 1500 ڈالر کی انعامی رقم بھی حاصل کی۔ بتایا جارہا ہے کہ محمد بشار کی کامیابی نے پاکستان اور الجزائر کے درمیان مضبوط ثقافتی اور روحانی تعلقات کو اجاگر کیا ہے جب کہ اس مقابلے کا اہتمام الجزائر کے نجی میڈیا آٹ لیٹ ایکوروک نے کیا تھا۔ اس مقابلے کا انعقاد 18 اگست سے 31 اگست تک کیا گیا جس کا مقصد قرت کا شوق رکھنے والے نوجوانوں کے ٹیلنٹ کو دنیا کے سامنے لانا تھا۔

کریڈٹ: انڈیپنڈنٹ نیوز پاکستان-آئی این پی