ملک کی سب سے بڑی57 ویں سالانہ پاکستان لائف سٹائل فرنیچر نمائش27جنوری سے فیصل آباد میں شروع ہوگی جس میں 50سے زائد قومی و بین الاقوامی برینڈز کی فرنیشرز مصنوعات عوامی دلچسپی، نمائش و50 فیصد تک کی شاندار بچت کے ساتھ فروخت کیلئے رکھی جائیں گی۔پاکستان کی مذکورہ سب سے بڑی بااعتماد فرنیچر نمائش کو زیرو ہیلتھ کیئر پاکستان سپانسر کررہا ہے جبکہ اسے پاکستان فرنیچرز مینوفیکچررز اینڈ ایکسپورٹرز ایسوسی ایشن،ڈائمنڈ سپریم فوم اوراٹیلین سٹائل فرنیشرز مارٹ و دیگر اداروں کا خصوصی اشتراک بھی حاصل ہے نیزاپنی نوعیت کی مذکورہ منفرد، دیدہ زیب و دلکش اور عالمی لائف سٹائل سے ہم آہنگ نمائش کا آغاز 27 جنوری سے ستارہ مارکی ویسٹ کینال روڈ فیصل آباد میں کیا جا ئے گا جو 29 جنوری تک روزانہ صبح 11 بجے سے رات 9 بجے تک جاری رہے گی اور اس میں تمام فیملیز و شہریوں کا داخلہ مفت ہوگا۔نمائش کے آرگنائزرز نے بتایا کہ اس نمائش میں 50 سے زائد قومی و بین الاقوامی برانڈز کے گھر و دفاترکے فرنیچر کی شاندار ورائٹی،ماڈرن اینڈ ٹراڈیشنل فرنیچر، ویڈنگ فرنیچر،ہوم اینڈ آفس فرنیچر، ڈیکوریٹو اسیسریز، کڈز فرنیچر، آؤٹ ڈور فرنیچر،ڈورز اوروارڈ روبز،صوفہ،ڈائننگ ٹیبل،آؤٹ ڈور،کاروباری ونمائشی فرنیچر،لان ڈیکور فرنیچر کے عمدہ و بہترین ڈیزائنزسمیت فرنیچر کی وسیع رینج عوامی دلچسپی، نمائش و فروخت کیلئے دستیاب ہوگی۔انہوں نے کہاکہ اس ضمن میں مزید معلومات و رہنمائی کیلئے نمائش آرگنائزرز سے موبائل نمبر 0304ـ1111701 پر رابطہ کیا جاسکتا ہے۔

کریڈٹ: انڈیپنڈنٹ نیوز پاکستان-آئی این پی