ملک میں فرنس آئل کی فروخت میں گزشتہ مالی سال کے دوران سالانہ بنیادوں پر49 فیصدکی کمی ریکارڈکی گئی ہے۔اوسی اے سی اورانڈسٹری کے اعدادوشمارکے مطابق مالی سال 2023 میں ملک میں 2.06 ملین ٹن فرنس آئل کی فروخت ریکارڈکی گئی جوگزشتہ مالی سال کی اسی مدت کے مقابلہ میں 49فیصدکم ہے، گزشتہ مالی سال کی اسی مدت میں ملک میں 4.02 ملین ٹن فرنس آئل کی فروخت ریکارڈکی گئی تھی۔جون 2023 میں ملک میں 0.10 ملین ٹن فرنس آئل کی فروخت ریکارڈکی گئی جوگزشتہ سال جون کے کے مقابلہ میں 78فیصدکم ہے، گزشتہ سال جون میں ملک میں 0.45 ملین ٹن فرنس آئل کی فروخت ریکارڈکی گئی تھی۔ مئی کے مقابلہ میں جون میں فرنس آئل کی فروخت میں ماہانہ بنیادوں پر10 فیصدکی نموریکارڈکی گئی ہے۔ مئی میں ملک میں 0.09 ملین ٹن فرنس آئل کی فروخت ریکارڈکی گئی جوجون میں بڑھ کر0.10 ملین ٹن ہوگئی۔

کریڈٹ: انڈیپنڈنٹ نیوز پاکستان-آئی این پی