نیشنل پیپلز کانگریس چین کی اعلی مقننہ، اور چینی عوامی سیاسی مشاورتی کانفرنس کی قومی کمیٹی کے سالانہ اجلاسوں اس سال کے "دو سیشنز" کے دوران اپنے توانائی کے انقلاب میں پیشرفت کو ظاہر کرنے کا چین کا منصوبہ پاکستان کے لیے اپنی قابل تجدید توانائی کی حکمت عملی کا از سر نو جائزہ لینے اور اسے بڑھانے کا ایک بروقت موقع فراہم کرتا ہے۔ چین کے اقدامات سے ہم آہنگ ہو کرپاکستان تکنیکی ترقی، فنانسنگ میکانزم، اور باہمی اشتراک سے فائدہ اٹھا سکتا ہے تاکہ توانائی کے مزید پائیدار اور لچکدار مستقبل کی طرف منتقلی کو تیز کیا جا سکے۔سیشن چین کے اعلی قانون سازوں اور سیاسی مشیروں کو مختلف شعبوں میں قومی پالیسیوں پر تبادلہ خیال کرنے کے لیے اکٹھا کرتے ہیں۔ اس سال کے "دو سیشن" 4 سے 11 مارچ تک ہوئے۔ سسٹین ایبل ڈیولپمنٹ پالیسی انسٹی ٹیوٹ کے ڈپٹی ایگزیکٹو ڈائریکٹر ڈاکٹر ساجد امین جاویدنے ویلتھ پاک سے بات کرتے ہوئے کہاکہ فی الحال، چین گرین ٹیکنالوجی اور فنانس میں ایک پروڈیوسر اور سرمایہ کار کے طور پر عالمی سطح پر سب سے آگے ہے۔ اس کا ترقیاتی ماڈل ہمیشہ مشترکہ ترقی پر زور دیتا ہے، نہ صرف پاکستان بلکہ پورے جنوبی ایشیا کے لیے۔ پاکستان کو ان فورمز سے زیادہ سے زیادہ فائدہ اٹھانا چاہیے جس میں وہ شرکت کرتا ہے، اور ہماری قومی ترقی کی منصوبہ بندی کو اس عمل میں اہم کردار ادا کرنا چاہیے۔پاکستان اور چین کے درمیان جاری تعاون کو بہت اہمیت حاصل ہے، جو دونوں ممالک کے لیے سنگ بنیاد کے طور پر کام کر رہا ہے۔ یہ اہمیت خاص طور پر چین پاکستان اقتصادی راہداری جیسے اقدامات میں واضح ہوتی ہے، جو دونوں ممالک کے لیے باہمی طور پر فائدہ مند ایک فلیگ شپ پروگرام کے طور پر کھڑا ہے۔ فیز 2 میں، پاکستان کی انرجی پالیسی کا جائزہ لینا ضروری ہے، پاکستان کے اہم درآمدی بل کی وجہ سے جو بنیادی طور پر تیل اور متعلقہ مصنوعات سے وابستہ ہے، ہمارے لیے یہ ضروری ہو گیا ہے کہ ہم کم لاگت والی توانائی کی پیداوار، سبز توانائی کے اقدامات اور موسمیاتی فنانس کے مواقع سے فائدہ اٹھائیں۔ ساجد نے کہا کہ پاکستان کو ان چیلنجوں سے موثر انداز میں نمٹنے کے لیے ان فورمز سے فائدہ اٹھانے کی ضرورت ہے۔

چینی سفارتخانہ اور پاک چین مراکز پہلے ہی مختلف تعاون میں سرگرم عمل ہیں۔ پاکستان موسمیاتی فنانس جیسے شعبوں پر توجہ مرکوز کر سکتا ہے، خاص طور پر صلاحیت کی ترقی کے اقدامات پر جن کا مقصد موسمیاتی مالیات پیدا کرنا ہے، بشمول گرین بانڈز اور سماجی بانڈز کا اجرا ہیں۔پاکستان اور چین نے بیرونی قرضوں کے معاہدوں میں خاطر خواہ موجودگی قائم کی ہے۔ جب دونوں ممالک قرضوں کے تبادلے کے معاہدوں پر بات چیت کرتے ہیں تو اس کے پاکستان کے لیے سازگار نتائج برآمد ہوتے ہیں۔ ان معاہدوں میں عام طور پر قرض کی ذمہ داریوں کی تنظیم نو یا تبدیلی شامل ہوتی ہے، جس کے نتیجے میں پاکستان کے لیے زیادہ سازگار شرائط ہوتی ہیں، جیسے کم شرح سود یا ادائیگی کی مدت میں توسیع ہے۔ ساجد امین نے مشاہدہ کیا کہ اس طرح کے انتظامات پاکستان کے قرضوں کے بوجھ کو کم کر سکتے ہیں اور اس کے معاشی استحکام اور ترقی میں معاون ثابت ہو سکتے ہیں۔سینئر ریسرچ اکانومسٹ اور پائیڈمیں سی پیک سینٹر آف ایکسی لینس کے سابق ایگزیکٹو ڈائریکٹرمحمود خالد نے کہاکہ پاکستان میں، ملک کی سبز توانائی کی کوششوں کے لازمی اجزا کے طور پر متعدد ہائیڈرو الیکٹرک منصوبے شروع کیے گئے ہیں۔ لہذا، اب وقت آگیا ہے کہ حکومت مستقبل کے تمام توانائی کے منصوبوں کی ترقی کو ان اصولوں کی بنیاد پر ترجیح دے جو توانائی کی پیداواری کارکردگی اور ماحولیاتی تحفظ دونوں کو یقینی بناتے ہیں۔ تب ہی ہم ان کوششوں سے صحیح معنوں میں فائدہ اٹھا سکتے ہیں۔اس وقت ایسا لگتا ہے کہ توانائی کے منصوبے ماحولیاتی تحفظ کی کوششوں سے ہم آہنگ ہونے کو یقینی بنانے کے لیے جامع منصوبہ بندی اور ہم آہنگی کا فقدان ہے۔

حکومت کو اپنی مستقبل کی پروکیورمنٹس اور پائپ لائن میں منصوبوں کا مکمل جائزہ لینے کی ضرورت ہے۔پائیداری اور ماحولیاتی تحفظ کو ترجیح دینے والی جدید ٹیکنالوجیز اور بہترین طریقوں کو شامل کرکے، پاکستان اپنے ماحول پر توانائی کی پیداوار کے منفی اثرات کو مثر طریقے سے کم کر سکتا ہے۔مزید برآں، حکومت کو چین سمیت بین الاقوامی شراکت داروں کے ساتھ تعاون بڑھانے کے مواقع تلاش کرنے چاہئیں تاکہ جدید ٹیکنالوجی اور سبز توانائی کی ترقی میں مہارت حاصل کی جا سکے۔ یہ نقطہ نظر نہ صرف پاکستان کو اپنی توانائی کی ضروریات کو زیادہ پائیدار طریقے سے پورا کرنے کے قابل بنائے گا بلکہ عالمی سطح پر ماحولیاتی طور پر ذمہ دارانہ توانائی کی پیداوار میں ملک کو ایک رہنما کے طور پر کھڑا کرے گا۔سی پی ای سی کی وزارت کے اشتراک کردہ اعداد و شمار کے مطابق، کروٹ ہائیڈرو پاور پراجیکٹ 720 میگاواٹ کی نصب صلاحیت کے ساتھ ایک راک فل گریویٹی ڈیم صاف اور سستی توانائی فراہم کرنے میں کلیدی اہمیت رکھتا ہے۔اس منصوبے کو چین کی 'تھری گورجز کارپوریشن نے سپانسر کیا ہے۔گوادر نے حال ہی میں 7,000 سولر پینلز نصب کیے ہیں، جو کہ مقامی کمیونٹی کے لیے توانائی کے طویل بحران کو برداشت کرنے کے لیے اہم ریلیف فراہم کرتے ہیں۔ مزید برآں، سندھ میں 100 میگاواٹ جھمپیر ونڈ انرجی پروجیکٹ، آزاد میں آنے والا 1,124 میگاواٹ کوہالہ ہائیڈرو پاور پروجیکٹ اور دیگر کئی منصوبے ہیں۔

کریڈٹ: انڈیپنڈنٹ نیوز پاکستان-آئی این پی