آغا اسٹیل انڈسٹریز لمیٹڈ کی فروخت جاری مالی سال 2022-23 کی تیسری سہ ماہی میں 7.43 فیصد کم ہوکر 5.6 بلین روپے ہوگئی۔ کمپنی کا مجموعی منافع 3.92 فیصد کم ہو کر 1.3 بلین روپے ہو گیا جو 1.4 بلین روپے تھا۔ کمپنی کا آپریٹنگ منافع 648 ملین روپے سے 41.6فیصدکم ہو کر 378 ملین روپے ہو گیا۔ کمپنی کا ٹیکس سے پہلے کا منافع بھی 660 ملین روپے سے کم ہو کر 355 ملین روپے ہو گیا۔ ویلتھ پاک کی رپورٹ کے مطابق بعد از ٹیکس منافع بھی کم ہو کر 302 ملین روپے ہو گیا۔ 30 جون 2022 تک 6,000 سے زیادہ اسٹاک ہولڈرز کے پاس موجودہ حصص کیپٹل کے 604 ملین شیئرز تھے۔ڈائریکٹرز، ان کی شریک حیات اور بچوں کے پاس کمپنی کے کل حصص کا 74فیصدتھا۔ عام عوام کے پاس 14.79 فیصد شیئرز تھے۔ بینکنگ اور نان بینکنگ مالیاتی اداروں کے پاس کمپنی کے 2.77 فیصد حصص تھے، اس کے بعد انشورنس فرموں کے 5.29 فیصد حصص تھے۔ دیگر گروپس مضارب اور میوچل فنڈز، اور بین الاقوامی کاروبار، باقی حصص کے مالک تھے۔انٹرنیشنل انڈسٹریز لمیٹڈ، انٹرنیشنل اسٹیلز لمیٹڈ، مغل آئرن اینڈ اسٹیل انڈسٹریز لمیٹڈ، غریبوال سیمنٹ لمیٹڈ کو مارکیٹ کیپٹلائزیشن کے لحاظ سے آغا اسٹیل انڈسٹریز لمیٹڈ کے حریف سمجھا جاتا ہے۔ انٹرنیشنل اسٹیلز لمیٹڈ کے پاس 18.5 بلین روپے کی مارکیٹ کیپیٹلائزیشن سب سے زیادہ ہے اس کے بعد مغل آئرن اینڈ اسٹیل انڈسٹریز 16.8 بلین روپے ہیں۔ آغا اسٹیل انڈسٹریز لمیٹڈ کی مارکیٹ ویلیو 6.8 ارب روپے ہے ۔آغا انڈسٹریز کو 19 نومبر 2013 کو ایک پرائیویٹ لمیٹڈ کمپنی کے طور پر شامل کیا گیا تھا۔ اسے 7 اپریل 2015 کو پبلک لمیٹڈ کمپنی میں تبدیل کر دیا گیا۔ کمپنی سٹیل بارز، تار کی سلاخوں اور بلٹس کی تیاری اور فروخت میں مصروف ہے۔

کریڈٹ: انڈیپنڈنٹ نیوز پاکستان-آئی این پی