ٹوکیو(شِنہوا) ٹوکیو کے استغاثہ اور  فیئر ٹریڈ کمیشن نےملک کی ایک بڑی اشتہاری فرم ہاکوہوڈوکارپوریشن کے ہیڈ کوارٹر پر چھاپہ مارا ، جس پرگزشتہ سال ہونے والے ٹوکیو اولمپک گیمزسے متعلقہ ایک بولی میں بدعنوانی کا شبہ ہے۔

جاپان کی دوسری سب سے بڑی اشتہاری فرم کے خلاف اس کارورائی سے پہلے جمعہ کو  ملک کی سب سے بڑی فرم  ڈینٹسو پر بھی چھاپہ مارا گیا تھا۔

  ایک اورایڈورٹائزنگ ایجنسی اے ڈی کے ہولڈنگز کے ساتھ  اس بڑے اسکینڈل میں اپنی ذمہ داری کا اعتراف کرتے ہوئے، جاپان کی تینوں سرفہرست اشتہاری فرمیں گزشتہ سال کے ٹوکیو اولمپکس اور پیرا اولمپکس کے لیے  ٹیسٹ ایونٹس کے انتظامات کے حقوق کی بولی میں دھاندلی میں ملوث پائی گئی ہے۔

استغاثہ  نے بتایا کہ ٹوکیو ایجنسی انکارپوریٹڈ اور ٹوکیو میں واقع ایونٹ پروڈکشن کمپنیوں سیم ٹو کارپوریشن اور فوجی کریٹیو کارپوریشن پر بھی پیر کو چھاپے مارے گئے۔