بیجنگ (شِنہوا) شی جن پھنگ نے کمیونسٹ پارٹی آف چائنہ کی 20 ویں قومی کانگریس کے افتتاحی اجلاس میں کہا ہے کہ چین کبھی بھی تسلط حاصل کرنے یا توسیع پسندی کی کوشش نہیں کرے گا۔

اتوار کے روز شی جن پھنگ نے کہا کہ چین ہر قسم کی بالادستی اور تسلط کی سیاست، سرد جنگ ذہنیت، دوسرے ممالک کے اندرونی امور میں مداخلت اور دوہرے معیار کی مخالفت پر سختی سے قائم ہے۔

شی جن پھنگ نے کہا کہ چین امن کی ایک آزاد خارجہ پالیسی پر عمل پیرا ہے ۔اس نے ہمیشہ میرٹ کی بنیاد پر مختلف امور بارے اپنا مئو قف اور پالیسی اپنائی ہے۔ اس نے عالمی تعلقات چلانے والے بنیادی اصول برقرار رکھنے اور عالمی سطح پر منصفانہ اور انصاف کے تحفظ کی کوشش کی ہے۔