پولینڈ نے بھی فلسطینی تنازعے کے دو ریاستی حل کی حمایت کرنے کا اعلان کرتے ہوئے کہا ہے کہ یہ حمایت مشرق وسطی کے دیرینہ تنازعے کو حل کرنے اور مسئلے کے دیر پا حل کے لیے ہے۔پولینڈ کا یہ اہم بیان آئر لینڈ، سپین اور ناروے کے فلسطین کو ایک آزاد ریاست کے طور پر تسلیم کرنے کے اعلان کے بعد سامنے آیا ہے۔ پولینڈ کے وزیر خارجہ ریڈوسلا سیکورسکی نے اس سلسلے میں اپنے بیان میں کہا ہے کہ اس سلسلے میں یورپی یونین کے اعلی نمائندوں اور دوسرے ملکوں کی کی کوششوں کی حمایت کی جائے گی۔ پولش وزیر خارجہ نے کہا کہ ہم جانتے ہیں کہ مشرق وسطی میں مستقل اور پائیدار امن دوریاستی حل کے بدولت ہی ممکن ہے۔ پولینڈ کی وزارت خارجہ کی ویب سائٹ کے مطابق پولینڈ نے 1988میں ہی فلسطین ریاست کوتسلیم کر لیا تھا۔

کریڈٹ: انڈیپنڈنٹ نیوز پاکستان-آئی این پی