پاکستان کے بینکنگ سیکٹر کا ساورن ایکسپوژر مالی سال 2020-21 میں 48 فیصد سے بڑھ کر مالی سال 2022-23 میں 51.8 فیصد ہوگیا جوحکومت کی طرف سے قرض لینے میں اضافے کی وجہ سے ہوا۔ مالی سال 23 میں حکومت کا قرضہ بینکنگ سیکٹر کی کل قرضوں کی وصولیوں کا 50 فیصد تھا۔ملٹی لیٹرل ڈیولپمنٹ بینک اور بین الاقوامی تنظیمیں معیاری نقطہ نظر کے تحت 0فیصدرسک ویٹ حاصل کرتے ہیں۔اس کے علاوہ مالی سال 23 میں بینکنگ سیکٹر کا کیپیٹل ایکویسی ریشو بڑھ کر 16.3فیصدہو گیا جو کہ 11.5فیصدکی ریگولیٹری حد سے پانچ فیصد زیادہ ہے۔ اس ریگولیٹری کم از کم میں 1.5فیصدکیپٹل کنزرویشن بفر بھی شامل ہے۔سی اے آر اس بات کا اشارہ ہے کہ ایک بینک اپنی مالی ذمہ داریوں کو کتنی اچھی طرح سے پورا کر سکتا ہے۔یہ تناسب سرمائے کا موازنہ خطرے والے اثاثوں سے کرتا ہے۔ بینک کی ناکامی کے خطرے کا تعین کرنے کے لیے ریگولیٹرز اس پر گہری نظر رکھتے ہیں۔ اس کا استعمال ڈپازٹرز کے تحفظ اور دنیا بھر میں مالیاتی نظام کے استحکام اور کارکردگی کو فروغ دینے کے لیے کیا جاتا ہے۔مارچ 2020 میں اسٹیٹ بینک آف پاکستان نے وبائی امراض کے پیش نظر امدادی اقدام کے طور پر سی سی بی کو 2.5فیصدسے کم کر کے 1.5فیصدکر دیا۔ اس وقت، چار بینک ایسے ہیں جن کے اثاثے بینکنگ سیکٹر کے کل اثاثوں کا 2.2فیصد ہیں جن کی سی اے آرریگولیٹری کم از کم 11.5فیصد سے کم ہے۔اسٹیٹ بینک آف پاکستان مالی سال 24 کی جاری سہ ماہی میں پرانے سی سی بی کو بحال کرنے کے لیے موجودہ پالیسی کا جائزہ لینے کے لیے تیار ہے۔اس کے علاوہ، غیر فعال قرضوں میں 7.8فیصدکا اضافہ ہوا جو 90.7فیصدتک پہنچ گئے۔بین الاقوامی مالیاتی فنڈ کے اعداد و شمار سے یہ بھی پتہ چلتا ہے کہ 32 میں سے 11 بینکوں کے غیر فعال قرضوںمیں 10 فیصد سے زیادہ اضافہ ہوا ہے جو کہ خراب قرضوں کی بڑھتی ہوئی تعدد کی نشاندہی کرتا ہے جو بینکوں نے مختلف سرکاری اور نجی اداروں کو بھیجے تھے اور جو اب ناقابل واپسی ہیں۔ معاشی بدحالی نے یہ ضروری بنا دیا ہے کہ ریگولیٹری ادارے اس بات کو یقینی بنانے کے لیے ٹھوس اقدام کریں کہ بینک کم از کم مطلوبہ سرمائے کی سطح کو برقرار رکھیں۔اسی طرح، سرمائے اور ریگولیٹری عدم تعمیل میں کسی بھی کمی کو وقت کے پابند ری کیپیٹلائزیشن کے منصوبوں کے ذریعے یا بدترین صورت حال میں مارکیٹ سے ایک منظم اخراج کے ذریعے دور کیا جانا چاہیے۔اس کے علاوہ کچھ بینکوں میں غیر فعال قرضوںکا اعلی سطح کا بینک کے مخصوص منصوبوں کے ذریعے خیال رکھا جانا چاہیے اور مکمل طور پر فراہم کردہ قرضوں کو رائٹ آف کرنے کی بھی اجازت ہونی چاہیے۔

کریڈٹ: انڈیپنڈنٹ نیوز پاکستان-آئی این پی ویلتھ پاک