نااہلی ریفرنس ناقابل سماعت ہونے سے متعلق پی ٹی آئی سینیٹر سیف اللہ سے تحریری جواب طلب
الیکشن کمیشن آف پاکستان نے نااہلی سے متعلق دائر ریفرنس کے قابل سماعت نہ ہونے کے معاملے پر پی ٹی آئی کے سینیٹر سیف اللہ ابڑو سے تحریری جواب طلب کرلیا۔الیکشن کمیشن میں پی ٹی آئی کے سینیٹر سیف اللہ ابڑو کی نااہلی کیلئے دائر ریفرنس پر سماعت چیف الیکشن کمشنر کی سربراہی میں تین رکنی بنچ نے کی۔سینیٹر سیف اللہ ابڑو کے وکیل اور درخواست گزار سینیٹر شہادت اعوان کمیشن میں پیش ہوئے اور موقف اختیار کیا کہ ان کے موکل کے خلاف یہ ریفرنس قابل سماعت نہیں ہے۔چیف الیکشن کمشنر نے ہدایت کی کہ آپ پہلے تحریری جواب جمع کروائیں اور قابل سماعت نہ ہونے سے متعلق درخواست دیں جس کے بعد الیکشن کمیشن نے سماعت تین دسمبر تک ملتوی کر دی۔
کریڈٹ: انڈیپنڈنٹ نیوز پاکستان-آئی این پی
