فلم اینیمل سے شہر پانے والی اداکارہ تریپتی دیمری اب پروین بابی بنیں گی۔ بالی ووڈ کی ماضی کی نامور اداکارہ پروین بابی کی زندگی پر ایک فلم بننے جارہی ہے۔پروین بابی کی بائیوپک سے متعلق یہ اطلاعات بھی سامنے آئی ہیں کہ فلم میں پروین بابی کا مرکزی کردار اینیمل سے شہرت کی بلندیوں کو چھونے والی تریپتی دیمری نبھائیں گی۔ پروین بابی جو اپنی خوبصورت اداکاری اور دلکش شخصیت کیلئے جانی جاتی تھیں نے پروین بابی نے 1970 اور 80 کی دہائی میں بھارتی سنیما میں خواتین کے کرداروں کو نئی تعریف دی، جو طاقت اور نرمی کے امتزاج کے ساتھ تھے۔تاہم پروین بابی کی زندگی میں ذاتی اور پیشہ ورانہ چیلنجز بھی شامل تھے، جن میں ذہنی صحت کے مسائل کے ساتھ ساتھ شوبز سے کنارہ کشی بھی شامل تھی۔ پروین بابی پر فلم سے متعلق پروڈکشن کی تفصیلات، جیسے کہ ڈائریکٹر اور دیگر کاسٹ ممبران کا ابھی تک اعلان نہیں کیا گیا تاہم فلم میں مرکزی کردار نبھانے کیلئے تریپتی دیمری مضبوط امیدوار ہیں۔

کریڈٹ: انڈیپنڈنٹ نیوز پاکستان-آئی این پی