سابقہ گلوکارہ رابی پیرزادہ نے معروف ڈرامہ نگار خلیل الرحمن قمر کے خاتون کے ہاتھوں اغوا ہونے والے حالیہ تنازع پر ردعمل کا اظہار کیا ہے۔فوٹو اینڈ ویڈیو شیئرنگ پلیٹ فارم انسٹاگرام پر رابی پیرزادہ نے ویڈیو پیغام شیئر کرتے ہوئے کہا کہ گرفتار ملزمہ آمنہ پروفیشنل مجرم نہیں ہیں، انہیں پھنسایا جا رہا ہے، وہ پیشہ ور مجرم ہوتی تو خلیل صاحب آج زندہ نہیں ہوتے۔انہوں نے یہ بھی کہا کہ تالی دونوں ہاتھوں سے بجتی ہے۔ رابی پیرزادہ کا کہنا ہے کہ خلیل صاحب کے ساتھ جو ہوا وہ غلط ہے اس کی مذمت کرتے ہیں لیکن اس میں یقینا خلیل صاحب کی بھی کوئی نہ کوئی غلطی ہوگی جس کی وجہ سے ان کے ساتھ یہ سب ہوا۔ گرفتار ملزمہ پوری طرح غلط نہیں ہوگی، اگر اس نے انہیں زندہ چھوڑا ہے تو اس کا مطلب یہ ہے کہ اس کے پاس بھی خلیل صاحب کی کوئی نہ کوئی کمزوری ہوگی، جس کی بنا پر اسے یہ یقین ہوگا کہ معاملہ پولیس میں نہیں جائے گا۔انہوں نے یہ بھی کہا کہ گناہ چاہے مرد نے کیا ہو یا عورت نے دونوں کو برابر سزا ملنی چاہیے۔

کریڈٹ: انڈیپنڈنٹ نیوز پاکستان-آئی این پی