سری لنکن کرکٹر دانشکا گونا تھیلاکا ریپ کیس میں مجرم قرار نہیں پائے جس کی بنا پر انہیں بردی کر دیا گیا،آسٹریلوی میڈیا کے مطابق کرکٹر کے ریپ کیس کی سماعت سڈنی کی عدالت میں ہوئی اور عدالت نے کرکٹر کو ریپ کیس کے الزام میں بری الزمہ قرار دے دیا،ریپ کیس کے حوالے سے شکایت کنندہ ٹھوس شواہد پیش نہ کر سکی، کیس میں رضامندی کے بغیر مراسم قائم کرنے کو ثابت نہ کیا جا سکا،سری لنکن کرکٹر کو عدالت نے پولیس انٹرویو میں سچا قرار دیا ہے، شکایت کنندہ نے جان بوجھ کر جھوٹی گواہی دی جس کے لیے انہیں متحرک کیا گیا،واضح رہے کہ دانشکا گونا تھیلاکا کو گزشتہ برس نومبر میں ریپ کے الزام میں گرفتار کیا گیا تھا، دانشکا سری لنکا کرکٹ ٹیم کے ساتھ ٹی 20ورلڈکپ کے لیے سڈنی میں موجود تھے،دانشکا گونا تھیلاکا پر ریپ کیس میں چار مختلف الزامات تھے، کرکٹر کے کیس میں تین الزامات کو پہلے ہی ختم کر دیا گیا تھا، دانشکا کو اب واحد الزام سے بھی بری کیا گیا ہے،آسٹریلوی میڈیا کے مطابق کیس میں زبردستی اور رضامندی کے بغیر تعلق قائم کرنے اور اس دوران جھوٹ بولنے کو ثابت نہیں کیا جا سکا۔

کریڈٹ: انڈیپنڈنٹ نیوز پاکستان-آئی این پی