الاویزاور اتھلیٹک بلبا کی ٹیموں نے ہسپانوی فٹ بال لیگ لالیگا میں اپنے میچ جیت لئے، الاویزکی ٹیم نے ریئل سوسائیڈ کی ٹیم کو 1-2گول سے شکست دی جبکہ اتھلیٹک بلبا کی ٹیم نے اپنے میچ میں سخت مقابلے کے بعد ویلنسیا کی ٹیم کو 0-1گول سے ہرایا۔ سپینش لالیگا کے دلچسپ مقابلوں کا سلسلہ سپین میں جاری ہے۔ریئل ایرینا سان سیباسٹین میں کھیلے گئے میچ میں الاویزکی ٹیم نے سخت مقابلے کے بعد ریئل سوسائیڈ کی ٹیم کو 1-2 گول سے شکست دی ،الاویزکی ٹیم کی جانب سے آسیر وللیبری اور ٹونی مارٹنیز نے ایک ایک گول کیا جبکہ ریئل سوسائیڈ کی جانب سے واحد گول بریس مینڈیز نے سکور کیا۔ سان میمس بلبا میں کھیلے گئے میچ میں اتھلیٹک بلبا اور ویلنسیا کی ٹیمیں آمنے سامنے تھیں جس میں اتھلیٹک بلبا کی ٹیم نے اپنے میچ میں سخت مقابلے کے بعد ویلنسیا کی ٹیم کو 0-1گول سے مات دی۔ اتھلیٹک بلبا کی ٹیم کی طرف سے واحد گول بینات پرادوس نے میچ کے 45ویں منٹ پر سکور کیا ۔

کریڈٹ: انڈیپنڈنٹ نیوز پاکستان-آئی این پی