بارسلونا کی ٹیم نے ہسپانوی فٹ بال لیگ لالیگا میں ریو ویلیکانو کو سخت مقابلے کے بعد 1-2گول سے ہرا دیا، بارسلونا کے پیڈرو گونزالیز لوپیزاور ڈینی اولمو نے ایک ایک گول کر کے اپنی ٹیم کی فتح میں اہم کردار ادا کیا،ریو ویلیکانو کی طرف سے واحد گول انائی لوپیز نے سکور کیا ۔ ڈی ویلیکاس سٹیڈیم میڈرڈ میں کھیلے گئے میچ میں بارسلونا کی ٹیم نے سخت مقابلے کے بعد ریو ویلیکانو کو ایک کے مقابلے میں 2گول سے ہرا دیا۔ میچ کے نویں منٹ پر ریو ویلیکانو کی ٹیم کے انائی لوپیز نے ایک گول کر کے اپنی ٹیم کو بارسلونا کے خلاف 0-1گول کی برتری دلائی ، یوں میچ کے پہلے ہاف پر ریو ویلیکانو کو بارسلونا کے خلاف 0-1گول کی برتری حاصل تھی،دوسرے ہاف میں بارسلونا کے پیڈرو گونزالیز لوپیز نے 60ویں منٹ پر ایک گول کر کے مقابلہ 1-1گول سے برابر کر دیا جس ٹھیک 22منٹ بعد 82منٹ پر ڈینی اولمو نے ایک گول کر کے اپنی ٹیم کو ریو ویلیکانو کے خلاف 1-2کی برتری دلا دی جو میچ کے اختتام تک برقرار رہی ۔ اس طرح بارسلونا نے ریوولیکانو کو سخت مقابلے کے بعد 1-2 گول سے ہرا دیا۔ میلورکا اور سیویل کی ٹیموں کے درمیان میلورکا سون موکس سٹیڈیم پالما ڈی میلورکا میں کھیلاگیا میچ بغیر کسی گول کے برابر رہا۔

کریڈٹ: انڈیپنڈنٹ نیوز پاکستان-آئی این پی