بالی ووڈ کی معروف اداکارہ سوناکشی سنہا اور ظہیر اقبال کے ولیمے کی تقریب میں نامور بالی ووڈ اسٹارز نے شرکت کی۔ گزشتہ روز سوناکشی سنہا نے اپنے دیرینہ مسلمان دوست و اداکار ظہیر اقبال کے ساتھ شادی کی، اس جوڑے نے چھوٹی سی تقریب میں سول میرج کے کاغذات پر دستخط کرکے اپنی زندگی کے نئے سفر کا آغاز کیا۔ شادی کی تقریب کے بعد سوناکشی سنہا اور ظہیر اقبال نے ممبئی میں ہی اپنے ولیمے کی تقریب کا انعقاد کیا ۔ تقریب میں اداکارہ کے والد شتروگھن سنہا او دبنگ اسٹار سلمان خان سمیت نامور بالی ووڈ اسٹارز نے شرکت کی۔بھارتی میڈیا کے مطابق لیجنڈری اداکارہ ریکھا، کاجول، ہما قریشی، روینہ ٹنڈن، تبو، ادیتی را حیدری، ودیا بالن اور ان کے شوہر، یو یو ہنی سنگھ، ارباز خان، سائرہ بانو، انیل کپور، چنکی پانڈے، علی فضل، ریچا چڈھا اور فردین خان سمیت دیگر ستاروں نے شرکت کرکے ولیمے کی تقریب کو چار چاند لگائے۔

کریڈٹ: انڈیپنڈنٹ نیوز پاکستان-آئی این پی