بالی ووڈ کے دبنگ اسٹار سلمان خان نے اپنی سابقہ گرل فرینڈ کترینہ کیف کے شوہر و اداکار وکی کوشل کے ڈانس کی تعریف کردی۔حال ہی میں وکی کوشل کی نئی آنے والی فلم بیڈ نیوز کا نیا گانا توبہ توبہ ریلیز ہوا جس پر مداحوں کے ساتھ ساتھ سلمان خان نے بھی وکی کوشل کی تعریف کی۔سلمان خان نے اپنی انسٹاگرام اسٹوری میں وکی کوشل سے مخاطب ہوتے ہوئے کہا کہ وکی! آپ کے کمال کے ڈانس مووز کی وجہ سے یہ گانا بہت بہترین لگ رہا ہے۔انہوں نے مزید کہا کہ آپ کی فلم کی کامیابی کے لیے میری نیک تمنائیں اور دعائیں، آپ کے ساتھ ہیں۔دوسری جانب وکی کوشل نے سلمان خان کی اسٹوری کو ری شیئر کرتے ہوئے کہا کہ سلمان سر! آپ بہت اچھے ہیں، اس تعریف کے لیے آپ کا بہت شکریہ۔وکی کوشل نے مزید کہا کہ آپ کی حوصلہ افزائی، میرے اور پوری ٹیم کے لیے بہت معنی رکھتی ہے۔یاد رہے کہ ماضی میں سلمان خان اور کترینہ کیف نے چار سال تک ایک دوسرے کو ڈیٹ کیا، اس عرصے کے دوران دونوں کی شادی سے متعلق بھی خبریں سامنے آئی تھیں لیکن دونوں نے سال 2009 میں اپنی راہیں جدا کرلی تھیں۔سلمان خان سے بریک اپ کے بعد کترینہ کیف نے دسمبر 2021 میں اداکار وکی کوشل سے شادی کی۔

کریڈٹ: انڈیپنڈنٹ نیوز پاکستان-آئی این پی