اداکارہ مہوش حیات نے اپنے مختلف تفریحی مقامات کے سیر سپاٹوں پر مبنی ایک ویڈیو سوشل میڈیا کی زینت بنا کر اپنی زندگی کا فلسفہ بھی بیان کردیا۔مہوش حیات نے حال ہی میں فوٹو اینڈ ویڈیو شیئرنگ ایپ انسٹاگرام پر ایک ویڈیو جاری کی جس میں انہیں مختلف تفریحی مقامات پر گھومتے پھرتے اور دلکش نظاروں سے لطف اندوز ہوتے دیکھا جاسکتا ہے۔ویڈیو کے آغاز میں کہتی سنائی دیں کہ مجھے لائف میں وائب چاہئے، جینا ہے مجھے زندگی کو ۔ویڈیو میں کہیں گانا گاتی نظر آئیں تو کہیں گولف کھیلتی اور ایک جگہ وہ بنجی جمپنگ کرتی بھی دکھیں۔اداکارہ نے اس ویڈیو میں مزید کہا کہ زندگی اپنی طرح جیناہے، ہر لمحے کو جی بھر کر، تاکہ کل کو جب پلٹ کر دیکھوں تو کہہ سکوں کہ واہ یار زندگی تو جی ہے تونے۔سوشل میڈیا صارفین کی جانب سے مہوش حیات کی اس موج مستی کرتی ویڈیو کو بے حد پسند کیا جارہا ہے۔

کریڈٹ: انڈیپنڈنٹ نیوز پاکستان-آئی این پی