نیوزی لینڈ کے بائیں ہاتھ کے فاسٹ بولر نیل ویگنر نے انٹرنیشنل کرکٹ سے ریٹائرمنٹ کا اعلان کر دیا۔نیل ویگنر نے جمعرات سے آسٹریلیا کے خلاف شروع ہونے والے پہلے ٹیسٹ سے قبل ریٹائرمنٹ کا اعلان کیا۔بائیں ہاتھ کے فاسٹ بولر نیل ویگنر کو بتایا گیا تھا کہ وہ ٹیسٹ میچ کا حصہ نہیں ہیں تاہم انہوں نے ویلنگٹن میں ہیڈ کوچ گیری اسٹیڈ کے ہمراہ پریس کانفرنس میں ریٹائرمنٹ کا اعلان کیا۔نیل ویگنر نے 64ٹیسٹ میچز میں نیوزی لینڈ کی نمائندگی کرتے ہوئے 260وکٹیں حاصل کیں۔وہ فرسٹ کلاس کرکٹ کھیلتے رہیں گے۔پریس کانفرنس میں نیل ویگنر نے کہا کہ ریٹائرمنٹ کا فیصلہ آسان نہیں تھا، ایک ہفتہ میرے لیے بہت جذباتی رہا، اب دوسروں کے لیے وقت ہے کہ وہ ٹیم کو لے کر آگے بڑھیں۔

کریڈٹ: انڈیپنڈنٹ نیوز پاکستان-آئی این پی