انگلش ٹیم کے نوجوان فاسٹ بالر سیم کرن انڈین پریمیئر لیگ (آئی پی ایل) کی تاریخ کے مہنگے ترین کھلاڑی بن گئے۔ بھارتی میڈیا کے مطابق آئی پی ایل کی فرنچائز پنجاب کنگز نے 2023 کے ایڈیشن کے لیے انگلش فاسٹ بولر سیم کرن کو ساڑھے 18 کروڑ بھارتی روپے میں خرید کر سب کو حیران کر دیا۔ حال ہی میں آسٹریلیا میں ہونے والے ٹی 20 ورلڈکپ کے بہترین کھلاڑی کا ایوارڈ حاصل کرنے والے سیم کرن بھارت کے شہر کوچی میں ہونے والی آکشن میں سب سے مہنگے داموں نیلام ہوئے۔ سیم کرن پنجاب کنگز سے قبل چنئی سپر کنگز اور پی بی کے ایس کی طرف سے بھی کھیل چکے ہیں لیکن 2019 سے پنجاب کنگز کے ساتھ جڑے ہوئے ہیں۔ سیم کرن نے جنوبی افریقا سے تعلق رکھنے والے آل رانڈر کرس مورس کا ریکارڈ توڑ جنہیں راجستھان رائلز نے ساڑھے 16 کروڑ بھارتی روپے میں خریدا تھا۔ انگلش فاسٹ بولر آئی پی ایل میں اب تک 32 میچز میں 32 وکٹیں حاصل کر چکے ہیں اور انہوں نے چنئی سپر کنگز کی جانب سے کھیلتے ہوئے بیٹنگ کے دوران بھی کئی اچھی اننگز کھیل رکھی ہیں اور وہ 32 میچز میں 995 رنز سکور کر چکے ہیں۔ سیم کرن کے فوری بعد ممبئی انڈینز نے آسٹریلیا کے آل رانڈ کیمرون گرین کو ساڑھے 17 کروڑ بھارتی روپے میں خرید کر سب کو دنگ کر دیا، اس کے علاوہ چنئی سپر کنگز نے انگلش آل رانڈر بین سٹوکس کو 16 کروڑ 25 لاکھ بھارتی روپے میں اپنا حصہ بنایا۔

کریڈٹ: انڈیپنڈنٹ نیوز پاکستان-آئی این پی