معروف اداکار اور شوبز سیلیبرٹی شہریار منور نے اداکارہ حبا بخاری کو ریٹنگ کوئین قرار دیدیا۔حال ہی میں اداکار شہریار منور نے ساتھی اداکارہ حبا بخاری کے ہمراہ انٹرویو دیا ہے۔شہریار منور نے حبا بخاری کے بارے میں بات کرتے ہوئے کہا کہ وہ ایک الگ بات ہے کہ حبا بخاری شوٹنگ کے لیے تاریخیں بہت دیر سے دیتی ہیں مگر وہ مصروف ترین اور ریٹنگ کوئین ہیں۔ انہوںنے کہا کہ اداکارہ ایک پرسکون اور ٹھہری ہوئی شخصیت کی مالک ہیں وہ سیٹ پر زیادہ گھلتی ملتی نہیں ہیں اور اپنے موبائل فون کے ساتھ مصروف رہتی ہیں۔دوسری جانب حبا بخاری نے اپنے ساتھی اداکار سے متعلق بات کرتے ہوئے بتایا کہ شہریار منور صدیقی بہت سادہ اور انسان دوست شخصیت کے مالک ہیں، شہرت کے باوجود اِن میں میں نام کی کوئی چیز نہیں ہے، وہ شائستہ شخصیت اور کمال کے ہیں۔

کریڈٹ: انڈیپنڈنٹ نیوز پاکستان-آئی این پی