بالی ووڈ اداکارہ شردھا کپور اور ان کے بوائے فرینڈ راہول مودی کے درمیان راہیں جدا کرنے کی افواہیں ہیں۔بھارتی میڈیا کے مطابق 37 سالہ شردھا کپور نے راہول مودی اور ان کے اہلخانہ کو سوشل میڈیا پلیٹ فارم انسٹاگرام سے ان فالو کردیا ہے۔بھارتی میڈیا کے مطابق شردھا کپور نے جون میں راہول مودی کے ساتھ ایک سیلفی شیئر کر کے ممکنہ طور پر ان کے ساتھ ڈیٹنگ کرنے کی افواہوں کی تصدیق بھی کی تھی۔تاہم گزشتہ ماہ میڈیا سے گفتگو کے دوران ایک صحافی نے اداکارہ سے ان کی اور ان کے بوائے فرینڈ راہول مودی کی شادی سے متعلق گردشی خبروں کے حوالے سے سوال پوچھا تھا۔ صحافی کے سوال پر بھارتی اداکارہ نے تصدیق یا تردید کرنے کی بجائے گول مول جواب دیا۔انہوں نے مزاحیہ انداز میں اپنے فلمی کردار کا نام لیتے ہوئے کہا تھا کہ وہ استری ہے، اسے جب دلہن بننا ہوگا وہ بنے گی۔

کریڈٹ: انڈیپنڈنٹ نیوز پاکستان-آئی این پی