اداکار شبیر جان اور فریدہ شبیر کی بیٹی یشمیرا جان کے نکاح کی تصاویر نے سوشل میڈیا صارفین سے تعریف کے ٹوکرے سمیٹ لیے۔ان دنوں شبیر جان اپنی بیٹی یشمیرا کی شادی کی تقریبات میں مصروف ہیں اور چند روز قبل یشمیرا کی ڈھولکی کی تصاویر سوشل میڈیا پر خوب وائرل ہوئیں۔یاد رہے کہ فریدہ شبیر اداکار کی دوسری اہلیہ ہیں جن سے انکی بیٹی یشمیرا جان پیدا ہوئیں اور اب اسٹار جوڑی بیٹی کے سب سے اہم فرض سے بھی سبک دوش ہوچکے ہیں۔اداکارہ یشمیرا جان کی ڈھولکی کی تصاویر کے بعد اب نکاح کی تصاویر سوشل میڈیا پر زیرِ گردش ہیں جن میں وہ کریمی عروسی جوڑے میں ملبوس ہیں۔نکاح کی تقریب میں اشناہ شاہ، ہمایوں سعید، روبینہ اشرف، بہروز سبزواری، نبیل ظفر، شہروز سبزواری، صدف کنول، زیبا بختیار، شائستہ لودھی و دیگر شوبز ستاروں نے شرکت کی۔

کریڈٹ: انڈیپنڈنٹ نیوز پاکستان-آئی این پی