معروف اداکارہ صبا قمر نے اپنے عالیشان گھر کی صفائی کرتے ہوئے جاری کی گئیں تصاویر کے ساتھ دلچسپ کیپشن لکھ کر سب کی توجہ حاصل کرلی۔صبا قمر نے چند روز قبل فوٹو اینڈ ویژیو شیئرنگ ایپ انسٹاگرام پر ایک پوسٹ جاری کی تھی جس میں انہوں نے اپنے پرتعیش گھر کی تصاویر شامل کی تھیں اور اب اپنی نئی پوسٹ میں وہ اس گھر کی صفائی کرتی نظر آئیں۔مذکورہ تصاویر میں صبا قمر سفید شرٹ اور ٹرازر پہنی ہوئی ہیں اور فرش پر بیٹھ کر ایسا پوز دے رہی ہیں کہ جیسے وہ فرش کی صفائی کر رہی ہوں۔اداکارہ نے اس جگہ بیٹھ کر مختلف پوز بھی دیے جن میں کہیں وہ اپنی زلفوں کو پونی میں کستی نظر آئیں تو کہیں کیمرے کی جانب دیکھ کر مسکراتی دکھیں۔پوسٹ کے کیپشن میں صبا قمر نے لکھا کہ ریڈ کارپٹ سے ڈسٹ بنیز تک، شہرت سے فرش کی صفائی تک۔سوشل میڈیا صارفین کی جانب سے صبا قمر کی اس پوسٹ کے پسند کیا جارہا ہے اور متعدد مزاحیہ انداز اپناتے ہوئے اداکارہ کو اپنے گھر کام کرنے آنے کا بلاوا دیتے بھی دکھے۔

کریڈٹ: انڈیپنڈنٹ نیوز پاکستان-آئی این پی