عالمی شہرت یافتہ گلوکار عاطف اسلم کے کنسرٹ کیلئے پاکستانی اداکارہ مہوش حیات اور صبا قمر یکجا ہوگئیں۔پاکستان اور بھارت میں یکساں مقبولیت کے حامل عاطف اسلم کا شمار ان چند گلوکاروں میں ہوتا ہے جو اپنے لائیو کنسرٹ میں لپ سنک کرنے کے بجائے خود گلوکاری کے جوہر دکھاتے ہیں۔ گزشتہ روز یو اے ای کی ریاست ابوظہبی میں میوزک کنسرٹ کا انعقاد کیا گیا جس میں عاطف اسلم اور گلوکارہ عابدہ پروین نے سب کو اپنی مسحور کن آواز کے سحر میں جکڑ لیا۔جہاں اس کنسرٹ میں شرکت کرنے کیلئے دور دراز ملکوں سے شائقینِ موسیقی پہنچے وہیں پاکستانی اداکارہ صبا قمر اور مہوش حیات کی شرکت سب کی توجہ کا مرکز بن گئی۔صبا قمر اور مہوش حیات نے کنسرٹ سے لطف اندوز ہوتے ہوئے مختلف تصاویر انسٹاگرام پر بطور اسٹوری بھی جاری کیں جو سوشل میڈیا پر وائرل ہوگئیں۔صبا قمر اور مہوش حیات پکی سہیلیوں کی طرح کنسرٹ میں ایک ساتھ نظر آئیں اور عاطف اسلم کے ساتھ ساتھ ان کے مشہور گانے وہ لمحے گنگناتی بھی نظر آئیں۔

کریڈٹ: انڈیپنڈنٹ نیوز پاکستان-آئی این پی