فلم اسٹار اداکارہ صاحبہ اپنے بیٹے کے ساتھ ہانیہ عامر کو کاسٹ کرنے کی خواہشمند نکلیں۔حال ہی میں سینئر آرٹسٹ صاحبہ اور ریمبو ایک نجی ٹی وی کے مارننگ شو میں مہمان بنے جہاں جوڑے سے دلچسپ گفتگو کی گئی۔دوران شو میزبان کی جانب سے سوال پوچھا گیا کہ اگر آپ کو کوئی فلم بنانی پڑے تو آپ کن اداکاروں کو فلم کی کاسٹ میں شامل کریں گے۔اس پر ریمبو نے جواب دیتے ہوئے کہا کہ میں اپنے بڑے بیٹے احسن افضل خان کو بطور ہیرو کاسٹ کروں گا، باقی مجھے اس کے عمر کے ساتھیوں کے نام معلوم نہیں ہے۔اسی سوال پر اداکارہ صاحبہ نے جواب دیا کہ میں ہانیہ عامر کو اپنے بیٹے کے ساتھ کاسٹ کروں گی کیونکہ ان کے چہرے پر خوبصورت ڈمپل پڑتے ہیں اور میرے بیٹے احسن کے بھی ڈمپل ہیں۔اداکارہ کا کہنا تھا کہ مجھے ہانیہ عامر پسند ہیں، اگرچہ میں ڈرامے نہیں دیکھتی لیکن میں اس وقت فہد مصطفی کا ڈرامہ دیکھ رہی ہوں اور مجھے وہ بہت پسند ہیں۔

کریڈٹ: انڈیپنڈنٹ نیوز پاکستان-آئی این پی