سہ ملکی بلانڈ کرکٹ سیریز کے افتتاحی میچ میں روایتی حریف پاکستان اور بھارت کے درمیان آج (جمعرات) کو ٹاکرا ہوگا۔ پاکستان بلائنڈ کرکٹ کونسل کے چیئرمین سید سلطان شاہ کے مطابق آی سی سی کرکٹ اکیڈمی دبئی میں 25فروری تک سنگل لیگ رؤنڈ کے تحت کھیلے جانیوالے ایونٹ میں شرکت کیلے قومی بلائنڈ ٹیم بدھ کو متحدہ عرب امارات پہنچی جہاں سیریز میں پاکستان ، بھارت اور سری لنکا کی ٹیمیں مدمقابل ہے جبکہ افتتاحی میچ آج روایتی حریف پاکستان اور بھارت کے درمیان کھیلا جاے گا۔ دوسری جانب قومی بلائنڈ کرکٹ ٹیم کے کپتان نثار علی کا کہنا تھا کہ بھارت کیخلاف میچ کیلئے تمام پلیئرز کافی پرجوش ہیں۔ میچ کا کوئی دبا ؤنہیں ہے جبکہ سیریز میں پاکستان بہتر پرفارم کریگا۔ انہوں نے کہاکہ پاک بھارت میچ کی ہمیشہ سے اہمیت رہی ہے اور روایتی حریف کیخلاف ہم نے جارحانہ حکمت عملی مرتب کی ہے۔ سہ ملکی بلائنڈ کرکٹ سیریز کا فائنل 25فروری کو کھیلا جایگا۔ قومی اسکواڈ میں ظفر اقبال، ریاست خان، محمد شہباز، فخر عباس، محمد سلمان، بدر منیر (نائب کپتان)، شاہ زیب حیدر، معین اسلم، بابر علی، مطیع اللہ، محمد راشد، محمد صفدر، کامران اختر اور اکمل حیات شامل ہیں۔

کریڈٹ: انڈیپنڈنٹ نیوز پاکستان-آئی این پی