بالی ووڈ کی سینئر اداکارہ نیتو سنگھ نے شوہر رشی کپور سے ہونے والی پہلی ملاقات کو خوفناک قرار دیا۔سینئر اداکارہ نیتو سنگھ نے حال ہی میں ایک ریڈیو شو میں شرکت کی جہاں انہوں نے اپنی زندگی سے متعلق گفتگو کی۔اداکارہ نے شوہر رشی کپور سے ہونے والی پہلی ملاقات کے حوالے سے بات کرتے ہوئے کہا کہ رشی سے میری پہلی ملاقات خوفناک تھی کیونکہ انہیں مذاق اڑانے کی عادت تھی، پہلی ملاقات میں رشی نے میرے میک اپ اور کپڑوں پر تبصرہ کیا جس پر مجھے بہت غصہ آیا۔ واضح رہے کہ اداکارہ نیتو سنگھ اور رشی کپور کی منگنی 13 اپریل 1979 کو ہوئی تھی جب کہ دونوں اداکاروں نے سال 1980 میں شادی کی، نیتو سنگھ نے شادی کے بعد فلمی کیرئیر کو خیرباد کہہ دیا تھا، ان کے 2 بچے رنبیر اور ریدھیما کپور ہیں۔اداکار رشی کپور خون کے سرطان میں مبتلا تھے اور وہ ممبئی میں سال 2020 میں انتقال کرگئے۔

کریڈٹ: انڈیپنڈنٹ نیوز پاکستان-آئی این پی