بالی ووڈ اداکار عرفان خان کیساتھ فلم انگلش میڈیم کی شریک اداکارہ رادھیکا مدن نے اپنے سب سے بڑے پچھتاوے کا انکشاف کردیا۔اداکارہ رادھیکا نے فلم انگلش میڈیم کی شوٹنگ کے دوران اداکار عرفان خان سے زیادہ بات نہ کرنے پر افسوس کا اظہار کیا ہے۔بھارتی میڈیا کو حال ہی میں دیے گئے ایک انٹرویو میں رادھیکا مدن نے بتایا کہ انہیں انگلش میڈیم کی شوٹنگ کے دوران عرفان خان کے ساتھ زیادہ بات چیت نہ کرنے کا افسوس ہے۔انہوں نے کہا کہ مجھے عرفان خان یاد ہیں، میں سوچ رہی ہوں کہ میں نے ان سے زیادہ گفتگو کیوں نہیں کی تاکہ ان کے بارے میں مزید جان سکتی، میں سیٹ پر بالکل خاموش رہتی تھی۔رادھیکا کے عرفان خان کیساتھ اپنا تجربہ شیئر کرتے ہوئے مزید بتایا کہ،میری توجہ صرف اور صرف اپنے کردار پرہوتی تھی اور فلم میں عرفان خان کو اپنا والد تصور کرنا چاہتی تھی۔ مجھے لگا تھا کہ مرحوم اداکار سے بات چیت کیلئے بہت وقت ملے گا لیکن ایسا ممکن نہ ہو سکا۔

کریڈٹ: انڈیپنڈنٹ نیوز پاکستان-آئی این پی